حواوشى اسكندرانى
مده التحضير : 30 دقيقه
مده الطهى 20 دقيقه
مده تخمير العجينه :ساعه
اسم الشيف عبير سيد
المقادير
نصف كيلو لحمه مفرومه مع قطعه من الدهن
2بصله كبيره مفرومه ناعم
3 فلفل رومى مفروم ناعم
2فلفل احمر مفروم ناعم بارد او حامى
معلقه كبيره من الكاتشب
معلقه صغيره ثوم مفروم
نصف معلقه فلفل اسود. نصف معلقه صغيره قرفه
معلقه صغيره من بهارات السبعه ملح
3معالق كبيره زيت
الطريقه
نضيف كل المقادير على بعضها ونقلبهم مع بعض كويس ونسبهم على جنب لحد ما نعمل العجينه
مقادير العجينه
كيلو دقيق. 2معلقه كبيره زبادى
ربع كوب زيت معلقه كبيره خميره فوريه
2معلقه كبيره لبن بودره. 2معلقه كبيره خل ابيض
معلقه صغيره بكنج بودر. معلقه كبيره سكر
ماء دافئ للعجن
لدهن الوش
سمسم. ربع كوب لبن.
صفار بيضه مع معلقه كبيره خل ابيض
بديل صفار البيض نصف معلقه صغيره نسكافيه
الطريقه
نحضر كوب ونضيف الخميره مع معلقه السكر وربع كوب ميه ونقلبهم مع بعض ونسبهم على جنب لحد ما الخميره حجمها يرتفع
بعد كده نحضر طبق وننزل بالدقيق والخل والزيت والبكنج بودر والخميره واللبن والبودره ونقلبهم مع بعض وننزل بالماء الدافئ شويه بشويه لحد ما العجينه تلم معانا نبتدى نقطعها كور صغيره ونحطها على صنيه ونرش على الصنيه دقيق ونبتدى نرص عليها بعد كده نغطيها ونسبها لمده ساعه تخمر
بعد ما تخمر نبتدى ناخد كوره ونفرها بسمك رفيع وناخد جزء من الحشو ونفردها على العجين ونبتدى ناخد قطعه تانيه من العجين ونفردها ونحطها على الحشو ونقفلها من الحروف ونحطها على صنيه مدهونه زيت وندهن الوش بالصفار البيض واللبن ونرش سمسم وندخله الفرن ساخن مسبقا فى الرف الوسطانى يكون الفرن شغال فوق وتحت على درجه حراره 200 واول ما يخرج نغطيه بفوطه علشان يكون طرى معانا
والف هنا
رئيس قسم المطبخ أ سمسمه سعد
تابع ايضاتورتة المحلات بأصابع الكيت كات مقدمه من شيف فاطمه عطيه