يا احلامى بناديكى بقلم الشاعرة هبة جمال

يا احلامي..بناديكي

بقلم ..هبة جمال
من سنين قدامي
فاكره السور اللي كان مقفول
وخيالي عايش ع شمعه من نور
والزمن. ساعتها كنت. بعنادوا
وكان مقتنع اللي هيشوفوا النور
انا الحلم اللي قالوا مالوش لزمه
ولا عمرو ف يوم هيحل ازمه
لقتهم ف يوم عايشين ضدي
وقالولي ف يوم ده عده العمر
يروح ساعتها ف مليون هدر
حلفت لاخطي مليون صعب
وافشل واقوم..وتحدي الوقت
والله لاخطي اي صعب
واهدم ساعتها سور الرعب
يا حلمي عايش بيكبر فيا
ولا هسمح ف يوم يموت
ولا يصغر ف يوم ولا يختفي
وحالف ي زمن اعدي النور
وارسم تاريخ يكون محفور
ولا هسمح يكون تابوت
مجرد جثه تكون جوه
نشيعها ف جنازه يأس
انا الحلم اللي عايز يفرح
بزفه كبيره بفستانها
تعيش الفرحه بيومها
ويشهد عليها الخلان

يا حلم يدوبك كنت فكره
سقتها عناد وكمان قوه
يا حلمي عشت كمان بناديك
وكنت زمان فكره
دلوقتي اتحقق ف الازمان
امبارح… واليوم… وبكره

يا حلمي عشت سوي ويك
ولا هسمح ف يوم يموت
وحلمي طريق من نور
ويطرح ساعتها ثمار
الخير
ومهما ف يوم هتعانده
ومهما الصعب هيقابله
مسيروا ف يوم يشوف النور