خدعني هواك…بقلم / ماجدة البهيدي

خدعني هواك

بقلم / ماجدة البهيدى

فيـا حاجــــات بتـــوجعنــــى

وساعـــــات جايز تلوعنــــــي

ولو ابعــــد بلاقـــي هــواك

بيمسك فيـــــَّا يمنعنـــــــي

——–☆——-

حبيبــــي أيــــوه مشتــــاقة

ونفســـي تجينـــي نتـلاقـــى

تعبت كتيـــــــر وآه يانـــــي

دي نـــار الفرقــــــة حــراقة

——–☆——-

يا ريت متقـولش مين جــارح

ولا مين فينـــا كان مجــــروح

خـــــلاص سيبنا من إمبــــارح

في قلبــي نار منين م بــــروح

——–☆——-

ده كان لو يــــوم تغيب عنـــي

كـــانت روحــــــي تودعنـــــي

وكان نفســـي اكــــــون جمبك

واتاري هواك بيخــــدعنـــــــي

——–☆——-

في صرخـــــة بقلبــي مكتومة

ومن حبـــك ليــه مظلــومــة

وشمتـــك جـــوه شراينــــــي

وصبحت اتنيـــن ومقســـومة

——–☆——-

يا قاســـــي ويــا اعـــز النـاس

أنا كلي صحيــــح احســــــاس

لكـــن مسمحـــش تلعـب بيــــا

قفلت انا قلبــــــي بالتربـــــاس

——–☆——-

دانا قلبــــــي ميستحمـــــلش

وكنت اصبــــر واقــول معليش

واتاري عايشـــة في الأوهــــام

سنيــــــــن فاتت وكـــانت غش

——–☆——-

معنتش عايـــزة تانــــي هــواك

ولا هرجــــــــع واقــــول بهواك

يا ألف خسـارة ع العشـــــــــِرة

وع الوقت اللـــــي راح ويـــاك