أحمد فهمي في عيد ميلاده: زى ما بدأت هاوي الشغلانة دي وحاببها قررت أكمل هاوي 

 

دنيا هشام 

 

 

نشر الفنان أحمد فهمي عبر حسابه الشخصي على موقع التواصل الإجتماعي “فيسبوك” بوست يحتفل فيه بـ عيد ميلاده برفقة زوجته الفنانة هنا الزاهد، كما حرص بعض الفنانين على تهنئة فهمي بـعيد ميلاده. 

 

 

علّق عليه قائلًا: “شكرًا لكل الناس إللى قالتلى كل سنة وأنت طيب.. السنة إللى فاتت دى حاجات كتير أوى تغيرت.. طول عمرى بحاول أعمل إللى على مزاجى لكن السنة إللى فاتت أكتر سنة نجحت فده فحاجات كتير أوى منها حاجات مهمة زى الشغل أنى معملش حاجة أيًا كانت إيه في الشغل إلا لو على مزاجى وحبيبها مش مهم بقى السيزون يفوت ميفوتش المهم أعمل إللى عاجبنى زى ما بدأت هاوى الشغلانة دى و حاببها قررت أكمل هاوي.. مش هركب عربية تعجب الناس حتى لو أقدر أعمل كده هركب إللى هتريحنى وتبسطنى أنا”

 

تابع أحمد فهمي حديثه قائلًا: “مش هتعامل مع حد أنا مبحبوش أيًا كانت المصلحة بيننا.. مش هنزل صورة وأكتب جمهوري الحبيب وحشتونى عشان اضحك عالناس (دى أصلا مبعملهاش)، الحاجة الوحيدة إللى نفسي اعملها بس مبعرفش اعملها انى أبطل كلام مع صحابى إللى بيخسروا خمسة ولسه بيقاوحوا معايا وبيقولوا أى كلام عشان الصراحة بحب ناس كتير اوى فيهم.. يا رب مش عايز حاجة غير أنى أفضل حقيقى مهما كسبت أو خسرت”.

 

 

كما حرصت الفنانة هنا الزاهد، على الإحتفال بعيد ميلاد زوجها الفنان أحمد فهمي، حيث نشرت فيديو مجمعًا لهما معًا يضم ذكريات جمعتهما منذ حفل الزفاف حتى الآن، وعلّقت هنا الزاهد على الفيديو الذي نشرته عبر حسابها على موقع تبادل الصور والڤيديوهات الشهير إنستجرام:”كل سنة وأنا أحلى حاجة في حياتك”.