طريقه عمل احلي ممبار في البيت
مقدمه من شيف عبير سيد
مده التحضير : ساعه
مده الطهى: ساعه
اسم الشيف :عبير سيد
المقادير
كيلو ممبار
كيلو طماطم معصوره ومتسبكه
كيلو الا ربع ارز مصرى
3حزمه خضره مشكله (كزبره -شبت – بقدونس)
2معلقه كبيره صلصه طماطم
2قرن فلفل مفروم حامى او بارد
نصف كوب صغير زيت
بصله كبيره مبشوره
نصف معلقه صغيره من
بهارات محشى – بهارات السبعه – قرفه ناعمه
كزبره ناشفه – نعناع ناشف – شطه اختيارى
ربع معلقه صغيره جنزبيل بودر
ملح حسب ما نحتاج
لتسويه الممبار : ميه مغليه ورق لورا حبهان
ملح فلفل اسود
الطريقه
نغسل الممبار كويس جدا بعد كده نرش عليه معلقتين كباردقيق ومعلقه صغيره ملح وخل وعصير ليمون ونسيبه ساعه علشان نمنع منه اى ريحه زفاره بعد كده نرجع نغسله مره تانيه كويس جدا
نبتدى نعمل الخلطه نغسل الارز ونصفيه من الميه كويس ونضيف عليه البصله المبشوره والخضره المشكله وعصير الطماطم والصلصه والزيت والفلفل المفروم وكل البهارات اللى قولنا عليها ونقلب كله مع بعضه كويس جدا ونبتدى نحشى الممبار بايدينا او تجيبى قمع وتدخليه فى اول طرف الممبار وتحطى شويه ارز فى القمع وتدخلى الارز بخله رفيعه او بطرف المعلقه
نحضر اناء نضع نصفها مياه بعد ما تغلى نضيف الحبهان والورق اللورا والملح والفلفل الاسود بعد كده ننزل بالممبار فى الشوربه واوحد واحده بعد خمس دقايق من الغليان نهدى النار عليه علشان مايفتحش منك فى الشوربه مهمه جدا نسيبه على نار هاديه لمده ساعه او على حسب ما يستوى بعد التسويه يتحمر فى الزيت
والف هنا
فوائد الممبار
الممبار اكله مصريه تحضر في البلدان العربيه وخاصه في المناسبات وتسمي في سوريا بالقباوات او السندوانات وهو عباره عن الامعاء للخرفان لها العديد من الطرق في التحضير ويتكون من الارز والطماطم وصلصه الطماطم والبهارات وتختلف عمل الممبار او الفوارغ من بلد لبد ومن امراه لاخري ولكن يبقي الارز هو المكون الاساسي والرئيسي له وتحتوي ع اكبر نسبه من السعرات الحراريه والكاربوهيردات والدهون والدهون المشبعه والبروتينات وكثيراً من الناس يفضلوا تناول الممبار بجانب الكوارع والكرشه والفشه اما عن لكوارع فهي عباره عن جيلي وليس له اي فوائد غذائيه ولا اي سعرات واتجهت العديد من الاسر الفقيره الي تناول تلك الاكلات عوضاً عن اللحمه وذلك بعد ارتفاع اسعارها وذلك للحصول علي البروتينات فحذر الكثير من الاطباء من تناول تلك اللحوم وذلك بما يسمونها سقط الحيوانات ضروره التاكد من ان الحيوان الذي يتم استخلاص الكرشه والفشه منه لا يحمل اي ميكروبات حيث لا ينتقل الميكروب الي جسم الانسان والتاكد من طريقه الذبح واوضح ايضاً ان وجبه الانسان المتوازنه يجب ان تحتوي علي 50% من النشويات و30% من البروتينات و20% دهون وهذه النسب ليست ثابته بل تختلف من عمر لاخر واكد ايضاً الدكتور هاني محمد استشاري الباطنه وامراض الدم ان اكل لحمه الراس لا تمثل خطوره اذا تم التاكد من صحه الحيوان وعدم اصابته باي مرض وينصح بوضع جير حي علي الكرشه للتاكد من نظافتها وغليها في ماء ساخن وذلك لقتل الميكروبات
رئيس قسم المطبخ أ سمسمه سعد
تابع ايضا