الكشري المصري بالطريقة الاسكندراني
كشري مصري مقدمه من
شيف جيهان عبدالهادي
مدة التحضير 15دقيقة
مدة الطهي 25دقيقة
المقادير
نص كيلو مكرونة عقل..
نص كيلو مكرونة اسباجتي
ربع كيلو مكرونة شعرية
ربع كيلو ارز مصري
ربع كيلو عدس بجبة
ربع كيلو حمص
كيلو طماطم ..2ملعقة كبيرة صلصة بيوريه
نص كيلو بصل جوليان.4ملاعق دقيق لتعفيره
10فصوص توم
نص كوب خل.
زيت حوالي نص زجاجة..لتحمير البصل
ونستعمل من زيت تحمير البصل عمل الصلصة..والزيت الشطة..والارز والشعرية
بهارات..معلقة صغيرة من كل نوع
كمون..فلفل اسمر..شطة..بهارات كشري من العطار…ملح حسب التذوق
الطريقة التحضير
اولا.يقطع البصل جوليان.ويعفر بالدقيق وينخل بمصفي ويقدح الزيت ويحمر مع التقليب حتي يصبح لونه ذهبي.يرفع البصل بمقصوصة ويوضع علي مناشف مطبخ
ثانيا..تضرب الطماطم في الخلاط مع كوب ناء وتصفي..يهرس الثوم ويضاف علي النار مع اربع او خمس ملاعق زيت من تحمير البصل
ويشوح الثوم وننزل بمعلقتين الصلصة تقليبة وننزل عصير الطماطم .ويضاف لهم م ص سكر يعادل الطعم مع الملح ويقلل درجة الحموضة .
ثالثا
سلق كل نوع لوحده..العدس مع م ص كمون
المكرونة يسلقوا النوعين مع بعض مع م ك ملح..يسلق الحمص مع م ص كمون
تحمر الشعرية بزيت تحمير البصل.ويضاف لها الارز المغسول.مع الملح
رابعا
عمل الدقة
نص كوب خل يضاف عليه نص كوب ماء وملعقة ثوم مهروس مع فلفل اسمر وشطة .وبابريكا والتكة اللي جاية دي اضافة ملعقتين صلصة من تسبيكة الطماطم ويقلبوا
خامسا
عمل زيت الشطة .يضاف علي النار ملعقتين زيت من تحمير البصل .ودا سر من اسرار طعامة الكشري بتاعي ..يضاف له ربع كوب شطة ويضاف عليه صلصة من المتسبكة وملعقة خل ..ويقدم الطبق مع اضافة طبقات
من المكرونة .ثم الارز بالشعرية . ثم العدس
ثم الحمص .ثم الصلصة .والبصل الورد
يقدم طبق لكل فرد .ويفضل الصلصة برا والدقة .كل فرد يضيف حسب رغبته
والف هنا
رئيس قسم المطبخ أ سمسمه سعد
تابع ايضاالعاشوراء مقدمه من شيف شوشو عرابي