منة عرفة بعد عودتها لزوجها: ربنا يخليلي زوجي وأهلي والناس إللي بتتمنالي الخير 

 

 

كتبت: دنيا هشام 

 

 

نشرت الفنانة منة عرفة على حسابها الشخصي عبر خاصية الأستورى على موقع تبادل الصور والڤيديوهات الشهير “إنستجرام” حيث عبرت عن الإستياء الشديد الذي أصابها من فئة الجمهور الذين فرحوا بها بعد خبر إنفصالها عن زوجها. 

 

 

حيث علّقت قائلة: من أصعب اللحظات إللي ممكن تعدي على أى ست لحظة الإنفصال وخراب البيت، الطلاق يهتز له عرش الرحمن، لكن انتوا يمكن علشان بتسمعوا عن بيوت بتتخرب كل دقيقة فـ بقى أبغض الحلال عند الله بالنسبالكوا نكتة أو حاجة تتمسخروا عليها، رهان بتعملوه مع بعض على أننا مش هنكمل أو مادة خام للشماتة فينا”. 

 

 

وتابعت منة عرفة قائلة: “خراب البيت عمره ما كان حاجة سهلة على الست أو على الرجل أو على أهالينا، في عز ضعفي وحزني وكسرتي إللي ربنا ما يكتبها على أي ست مرحمتونيش ولا قدرتوا أني في موقف لا أحسد عليه وشمتانين فينا”. 

 

 

وأستكملت حديثها قائلة: “قد إيه أنتوا ناس متعرفوش ربنا ولا في قلوبكم رحمة، أتمنوا الخير لبعض يا جماعة بلاش نشمت في بعض، لكن دي غلطتي أنا أني شاركتكوا حياتي الشخصية، الإنسان بيغلط علشان يتعلم وأنا اتعلمت، ربنا يعينكوا على نفسيتكوا الجحيم دي، وعسى أن تكرهوا شيئًا وهو خير لكم، يمكن الخلاف إللي حصل كشفلنا ناس كتير حوالينا كانوا بيمثلوا أنهم فرحانين لينا بس الحقيقي أنهم كانوا مستنيين أول مشكلة علشان يشمتوا في كسرتي وخراب بيتي، بس والله ربنا مش هينولهلكوا”. 

 

 

وأختتمت حديثها قائلة: “ربنا يخليلي أهلى وزوجي، وكلمة أخيرة للسادة الصحفيين أرجوكوا كفاية بقى أرحمونا حرام عليكم”.