بسكوت النسكافية مقدمه من شيف سماح عطية
صباح الجمال والشياكة والرقي والزوق الرفيع المميز علي سكان قلبي
حبي ليكم مش محتاج كلام لان حبكم لة في القلب مكان
كل اللي فات كان طبخ ولكن اللي جاي كلة ابداااااع بقدم لكم وصفة حقيقي ابداع الابداع الكل هيحبها من جمالها
بسكوت النسكافية طعم مميز لاصحاب الزوق الرفيع بمكونات سهلة وبسيطة
يلانشوف مع بعض عملناالقمر دة اذاي
المكونات
٣ كوب دقيق
كوب الاربع سكر بودرة
نص كوب زيت
نص كوب سمنة او زبدة
معلقة نسكافية كبييرة
معلقة لبن سائل لاذابة النسكافية
بيضة
نص معلقة صغيرة فانيلا
نص معلقة صغيرة بيكنج بودر
ربع معلقة صغيرة ملح
الطريقة
في البولة ننزل بالسكر والزيت والسمن او الزبدة والبيضة والفانيلا ونضرب بالمضرب الكهربائي لحد ماالسكر يدوب ولون الخليط يفتح وقوامة يبقي كريمي وبعد كدة ننزل بالنسكافية المدوب في معلقة لبن ونضرب الخليط مرة تانية بعدكدة هنزل بالدقيق المنخول وربع معلقة الملح والبيكنج بودر اقلبهم بالاسبتيولا لحد العجينة ماتتلم معايا ابدا اعجن بايدي عجن خفيف علشان مش عوزة عرق في العجينة يعني مجرد ماالعجينة تتلم معايا اسيب العجين يرتاح حوالي ٢٠ دقيقة وطبعا بغطية وبعد كدة افردة بالمردنة مابين كيسين تلاجة سومك رفيع وابدأ اقطعة بالقطاعه المستطيلة واخرمة بخلة الاسنان وارش علية القليل من السكر هشيل الزيادة من غير مااحرك البسكوت وعلشان اقدر انقلة في صنية الخبر لازم ادخلة الفريزر حوالي ١٠ دقايق وبعد كدة انقلة في صنية الخبر المبطنة بورق الزبدة طبعا هيتشال معايا بكل سهولة علشان جمد
ملحوظة
خطوة الفيريز مهمة جدا جدا جدا للحفاظ علي الشكل الجميل للبسكوت ومن غير الخطوة دة هيكون صعب جدا انقلة
ادخلة علي فرن دافي درجة حرارة ١٧٠ حوالي ١٠ دقائق الي ١٢ دقيقةعلي الرف اللي في النص لحد ماياخد اللون الجميل الكمية دي عملت معايا اكتر ٥٠ بسكوتة والطعم وهمييييي
اتمني ان الوصفة تعجبكم وتجربوها
والف هنا
رئيس قسم المطبخ أ سمسمه سعد