يحيى الفخراني يصرح عن سبب رفضه فيلم المصير مع يوسف شاهين

 

 

كتبت:نسرين أشرف

 

 

صرح الفنان الكبير يحيي الفخراني، عن سبب رفضه المشاركة في فيلم “المصير” مع المخرج يوسف شاهين.

 

 

 

وأشارا يحيي الفخراني بأن يوسف شاهين قلل آجره في هذا الفيلم.

 

 

 

كشف يحيي الفخراني السبب وراء رفضه، من خلال لقائه مع إسعاد يونس، في برنامج صاحبة السعادة، والذي يعرض على قناة DMC.

 

 

 

حيث قال يحيي الفخراني:”أنا كنت هشتغل في فيلم المصير مع يوسف شاهين، واللي رشحني خالد يوسف، وطلب يقابلني وقالي الدور دا محدش يعرف يعمله غيري أنا وأنت بعد ما شوفت شغلك”.

 

 

وتابع الفخراني حديثه قائلًا:” يوسف شاهين إداني السيناريو وقالي أقرأه، وقول رأيك وكنت مسافر ساعتها وطول السكة كنت بقرأه”.

 

 

 

وأضاف أيضًا:”ولما وصلت قولتله فيلم كويس بس عايز إعادة حوار لأنه مكنش عاجبني، خصوصًا إن أنا اللي هقول الكلام دا وكان فيه حتة خواجة مش عجباني، وخالد يوسف قالي دا حدث عالمي إن يوسف شاهين يوافق على تغيير السيناريو والحوار”.

 

 

واستكمل يحيى الفخراني حديثه قائلًا:”وفعلًا اتفقنا على كل حاجة وعلى القبض، وروحت المكتب وكان لازم أقوله اسمي هيتكتب إزاي على الأفيش وقالي ،أنت بطل مطلق واسمك في الأول، بس قالي إننا هنقلل المرتب”.

 

 

اختتم حديثه في هذا الموضوع قائلًا:” الكلمة دي قلقتني جدًا وقولتله هفكر، ومشي ورايا لحد الأسانسير وقولتله عندي ظروف، وخالد يوسف لما كلمني قولتله أنا مش هعمل الفيلم”.

 

 

 

الجدير بالذكر أن فيلم “المصير” من إخراج وتأليف يوسف شاهين، وشارك في الفيلم العديد من الفنانين، من أبرزهم:” ليلى علوي، نور الشريف، ومحمود حميدة”.