مي فاروق في مرمي السهام وتتعرض للنقد والتنمر بسبب حفل الزفاف الذي أقامته الفنانه بعد عقد قرانها على الفنان محمد العمروسي و بحضور الفنانين والمشاهير
وتألقت مي فاروق في إطلالتها وأرتدت فستان أبيض برفقة أولادها وزوجها محمد العمروسي كما حضر العديد من نجوم الفن والغناء مثل تامر حسني ومصطفي قمر وليلي علوي والهام شاهين ومحمد سامي و مي عمر وغيرهم من الحضور
مي فاروق تتعرض للنقد
وقدمت مي فاروق أغنية جديدة بمناسبة زواجها وتصدرت التريند ولكن بسبب حفل الزفاف تعرضت للنقد على يد الجمهور الذي سخر من حفل الزفاف وكونها والده لطفلين
مي فاروق تتحدث عن حياتها وعلاقتها بخطيبها محمد العمروسي..تفاصيل
لذالك صرحت الفنان مي فاروق في أحد البرامج قائله: “أنا معملتش حاجة أنا اتجوزت بس والحمد لله كان يوم حلو وكل الناس اللي كانت موجودة كانت جايه بحب وفرحة
الدكتورة نيرمين فاروق حسن تكتب: أفكار ذهبية خلال العشر الأواخر من رمضان
كل الفنانين والناس وولادي كانوا فرحانين وكان يوم جميل لكن معرفش بعد كده إيه اللي حصل مش فاهمة و أنا معرفش عندي أعداء ولا لأ لكن كل الناس اللي في حياتي علاقتي بيهم طيبة
الفكرة أن إرضاء جميع الناس غاية لا تدرك وأنا مبعملش حاجة عشان أرضي الناس كل اللي يهمني أرضي ربنا وأكون أم ولادي يفتخروا بيها
طول الوقت وأعمل اللي ربنا قالي عليه في الحلال مليش دعوة الناس بتقول إيه ومعرفش هما بيعملوا كده ليه ولا بيقولوا كده ليه بس دي آرائهم وهما أحرار”.
حفل زفاف مي فاروق وخوفها من الحسد
وعن الخوف من الحسد بعد انتشار فيديوهات وصور من حفل الزفاف قالت مي فاروق: “ليه مقولش إني بتجوز قدام الدنيا كلها أنا طول عمري بحاول طول الوقت أعمل كل حاجة مظبوطة
الدكتورة نيرمين فاروق فى ضيافة إذاعة راديو مصر بماسبيرو.
يوم ما بعد 6 سنين أنا أم لأولادي لوحدي ومسئولة عن ولادي وشغلي بس يوم ما أقرر أتجوز أنا واحدة ست عايزة تتبسط وولادي يتبسطوا بيا ومعايا ونفرح ونعمل قدام الدنيا كلها إن أحنا بنعمل حاجة حلوة ترضي ربنا ومبسوطين إيه المشكلة إني عملت، يضايق الناس في إيه؟”.
وتحدثت مي فاروق عن تعليقات الجمهور على صور أولادها وتحليلهم لنظراتهم لها وقالت: “الحاجة اللذيذة اللي بتفرج عليها أن الناس بدأت تحلل نظرة أبني ليا ونظرة بنتي ليا
ويقولوا أكيد قلبها موجوع وبعدين أنا الناس محدش يعرف عن حياتي الشخصية حاجة ومحبش أنه ميعرفوا كل اللي حبيت أنهم يعرفوه إني اتجوزت لكن التفاصيل لأ، بس أنا أولادي نمرة واحد في حياتي
وكل حاجة بتيجي بعدهم لو أولادي مش مبسوطين ومباركين وراضيين وهما اللي عايزين دا أنا مش هعمله، أنا مليش دعوة بالناس أنا ليا دعوة بالأشخاص اللي ربنا مديهوملي أمانة وبحاول طول الوقت أكون ست قد مسئوليتهم وأم كويسة ويفتخروا بيها”.
أولاد مي فاروق في حفل زفافها
وتابعت: “يمكن عشان أنا بحاول أكون في حالي طول الوقت ففاكرة أن الناس المفروض تكون كده لكن الناس مش كده الحمد لله بعد شوية تجارب ومواقف عدت عليا في حياتي
أتعملت أن أخلي كل واحد يقول اللي يقوله ويعمل اللي يعمله طالما ربنا شايف حياتي وعيلتي وولادي شايفين مليش دعوة بالناس يحكموا زي ما هما عايزين المهم إني بعمل الصح ويرضي ولادي ويكونوا متشرفين بينا ويرضي جوزي اللي في حياتي دلوقتي أنا مش عايزة حاجة تاني”.
وهكذا وضحت مي فاروق موقفها من الأنتقادات التي حدثثت ضدها موضحه دورها كأم و زوجه وغضبها الشديد من تلك الأنتقادات
كما وضحت موقفها ناحية هؤلاء الناقدين كما و أنها سعيدة بزفافها وبما وصلت إليه في حياتها لتلك الفترة ودائماً ما تفعل ما يرضي الله