محمد أنور على قد ما بتدفع فلوس على قد ما هتكون مشهور 

 

كتبت :مريم عوض 

 

محمد أنور أنا عارف أن كلامي ده هيتاخد منه اللي يخليني أتشتم.

 

محمد أنور علي قد مابتدفع فلوس للصفحات والبيدجات والكوميكس علي قد ماهتبقي نجم

 

محمد أنور اللي ناجح بجد في الشارع لو مدفعش فلوس للسوشيال ميديا عشان يبين نجاحه ده ولا هيبان

 

محمد أنور مش هتدفع خلي حب الناس في الشارع ينفعك. 

 

 

نشر الفنان محمد أنور على موقع التواصل الاجتماعي الفيسبوك الخاص به معلقا ً: لو فتحت كومنتات أي بوست علي الفيس بوك أو أي فيديو علي اليوتيوب هتلاقي شتايم مهما كان المحتوي. 

 

 

وأشار لو المحتوي بتاعك حلو هتلاقي شتايم بس مش هتتشهر

ولو المحتوي وحش هتلاقي شتايم بس صاحب المحتوي هيتشهر جدا  وعلي الاساس ده بقت الاخبار والتصريحات والفيديوهات  بتتكتب بطريقه تحس انها عاوزه الناس تشتم في الكومنتات المهم الريتش يعلي والشير يزيد حتي لو صاحب الخبر مقالش كده بالظبط احنا نظبطها بحيث يكون قال كده فيتشتم اكتر. 

 

 

 

وأضاف بسبب ده فيه ناس مشهورة جداً ونجوم جداً علي السوشيال ميديا وبيظهروا في برامج وبيمثلوا في مسلسلات وبيعملوا أغاني وبيأخذوا جوائز وأي صورة بتنزل ليهم بتبقي خبر ومحدش يعرفهم في الشارع خالص والعكس فيه ناس محبوبه جدا واعمالهم ناجحه جدا في الشارع والناس بتحبها وعاوزه تشوفها ومغمورين جدا علي السوشيال ميديا  . 

 

 

 

 

 

وأكد أنور علي قد مابتدفع فلوس للصفحات والبيدجات والكوميكس علي قد ماهتبقي نجم ومشهور وترند وناجح علي السوشيال ميديا وهتاخد جوايز في المهرجانات مش هتدفع خلي حب الناس في الشارع ينفعك. 

 

وأستكمل حديثه أكبر دليل علي كلامي ده شهر رمضان اللي جي ده هتلاقي مسلسلات مكسره الدنيا علي السوشيال ميديا وابطالها في كل البرامج من ٢ رمضان وفي الحقيقه محدش بيتفرج عليها واللي ناجح بجد في الشارع لو مدفعش فلوس للسوشيال ميديا عشان يبين نجاحه ده ولا هيبان 

 

وأختتم حديثه انا عارف ان كلامي ده هيتاخد منه اللي يخليني اتشتم بس وهيسيبو اللي مش هيعمل ريتش.

 

 

 

 

والجدير بالذكر آخر أعمال محمد أنور مسلسل “إسعاف يونس”  

 

مسلسل “إسعاف يونس” تعتمد أحداثه على ظهور نجم كضيف شرف في كل حلقة من حلقات العمل، وتضم القائمة عددا كبيرا من النجوم منهم أمير كرارة، أحمد فهمي، كريم فهمي، محمد عبدالرحمن، مصطفى خاطر، عبير صبري، محسن منصور، كريم محمود عبدالعزيز، صلاح عبد الله، محمد محمود، وأحمد فهيم، وآخرين.