رسميًا.. طلاق شيري عادل وطارق صبري بعد عامين زواج

رسميًا.. طلاق شيري عادل وطارق صبري بعد عامين زواج

أعلنت الفنانة شيري عادل انفصالها بشكل رسمي عن الفنان طارق صبري فى عيد الحب، يأتى ذلك بعد 4 أشهر من انتشار خبر انفصالها خاصة بعدما حذفت شيرى كل الصور التي تجمعها بطارق من على حساباتها المختلفة بالسوشيال ميديا.

حيث كتبت شيري عادل على حسابها بموقع “انستجرام” قائلة: تم الانفصال الرسمي بينى وبين طارق مع وجود كل الاحترام بينا، ربنا يكتب الخير لكل واحد فينا في حياته”.

 

وقالت شيرى عاد خلال اللقاء:”الموضوع جه بسرعة، فطارق كلمنى مرة مكالمة واشتغلنى في موضوع عن حد من أصحابنا كان في المستشفى، وبعد كد رحنا زرناه وبعد ما رجعنا قالى عندى مكان عاوز اوريهولك ورحنا مطعم واكلنا، وبقينا نتكلم بعد كدا يوميا هو يسأل عليا وأنا كمان أسال عليه، لحد ما كنت مرة في الساحل مع أهلى وهو كان مسافر تانى يوم تركيا، فجه مخصوص سلم عليا ورجع في نفس اليوم”.

وأضافت شيرى:”قصة أنه جه من القاهرة مخصوص علشان يسلم عليا في الساحل قبل ما يسافر، خلتنا نقرب من بعض، وبعد كدا بقينا في حياة بعض بسرعة كدا وكل يوم نتقابل ونتكلم، وبعد كدا طارق عرض عليا الزواج واحنا قاعدين بنتعشى مع بعض، قالى أنا عاوز اتجوزك وقلت له على طول كدا، وبقى كل ما يكلم حد من صحابه يقولولنا مستعجلين ليه كدا”