“الموضوع دلوقتي في القضاء”….طليقة خالد عليش تهاجمه وتتهمه باستغلال ابنته

 

 

 

كتبت:نسرين أشرف

 

 

هاجمت ميما شامي طليقة الفنان والمذيع خالد عليش، عقب قيامه بنشر صوره تجمعه مع ابنته عبر حسابه الشخصي على موقع تبادل الصور والفيديوهات الشهير إنستجرام.

 

 

 

 

حيث علق عليش على الصوره قائلًا:”في موقف حصل في آخر ٢٠١٥ عمري ما انساه كنت راكن عربيتي في مكان وكنت داخل مستشفي بخلص فيها ورق في مصر الجديدة خرجت لقيت الونش شال العربية وداها مكان تاني ودمر الكبوت من اودام وحك العربية من معظم الاماكن”.

 

 

 

 

 

وتابع في تعليقة:” كنت راجع البيت مش طايق نفسي حرفيًا بس أول ما فتحت باب الشقة ميما بصلتي وهي صغنونة كده وابتسمتلي أول ابتسامة مباشرة ليا ف ضحكتلها أنا كمان ونسيت كل اللي مضايقني”.

 

 

 

 

واختتم تعليقة :”أكتر حاجة مفتقدها هي الإبتسامة البريئة ديه وحضنها الدافي بصوابعها الصغنونة قبل النوم بنا يجمعني بيكي علي خير دايمًا ويوفقني في أي قرار يخصك”.

 

 

 

 

 

في حين قامت طليقة عليش بنشر عبر حسابها الشخصي على موقع تبادل الصور والفيديوهات الشهير إنستجرام، مهاجمة عليش بخصوص الصوره التي نشرها مع ابنته.

 

 

 

قالت ميما:”بعد الطلاق الرسمي اتفقنا على رؤية البنت، وكان بيشوفها بانتظام وبشهادة كل الناس وبشهادة المدرسة وفجأة في عيد ميلاد البنت عرفت أن في قضية مرفوعة من شهر 12 ومكنش معايا أي محامي، لأني تنازلت عن كل القواضي مقابل قضية جنائية كان رفعها عليا”.

 

 

 

 

وتابعت قائلة:” الأمور وصلت لأنه بيتكلم مع أمهات أصحاب ميما في المدرسة، وبلاقي ناس قاعدة بتتكلم معايا وعلى بنتي في أدق التفاصيل، وأتمنى عدم الضغط عليا بسبب الصور في أي حاجة تخص ميما علشان بلاش اضطر أرد”.

 

 

 

 

واختتمت قائلة:”بطلوا كل اللي معاه رقمي ميدخلش يكلمني في خصوصية بنتي، والموضوع دلوقتي في القضاء عشان مصلحة البنت”.

 

ويذكر أن خالد عليش قد انفصل عن زوجته ميما شامي، وذلك بعد حدوث خلافات كبيرة نشبت بينهما.