الكانيلونى باللحمه المفرومه
مقدمه من شيف عبير سيد
مده التحضير: ساعه
مده الطهى: 20 دقيقه
اسم الشيف/عبير سيد
مقادير الكريب
2كوب دقيق
2كوب لبن
2بيضه
3معالق كبيره زيت
رشه ملح رشه فلفل اسود
الطريقه
نحضر طبق وننزل بالدقيق والبيض والملح والفلفل الاسود وننزل باللبن شويه بشويه لحد ما الخليط او العجينه يبقى سمكها وسط يعنى لا خفيفه قوى ولا تقيله قوى بعد كده نحضر طاسه ونمسحها بالزيت وبنتدى ناخد بالمغرفه او الكبشه وننزل فى الطاسه ونفرد العجينه فى الطاسه لحد ما يبقى سمكها رقيق جدا نسبها لمده 5ثوانى ونقلبها على الناحيه التانيه نفس المده ونكمل لحد ما نخلص كل الكميه
بعد كده نحضرصنيه ونحط فيها معلقتين من البشاميل ونفردهم فى الصنيه ونبتدى ناخد واحد من الكريب ونحشيها باللحمه المفرومه ونلفها رول ونرصها فى الصنيه لحد ما نخلص كل الكميه بعد كده ننزل بباقى البشاميل ونرش على الوش جبنه مونزيلا وندخلها الفرن فى الرف الوسطانى لمده 20دقيقه ويكون الفرن ساخن مسبقا وشغال فرن وشوايه مع بعض
مقادير البشاميل
2معلقه كبيره دقيق
معلقه كبيره سمنه
2 كوب ونصف لبن (500 جرام)
رشه ملح
رشه فلفل اسود
نحضر اناء وننزل بالسمنه والدقيق واول الدقيق ما يوصل للون الذهبى ننزل باللبن والملح والفلفل الاسود ونقلب لحد صوص البشاميل يتقل معانا
مقادير اللحمه المفرومه
ربع كيلو لحمه مفرومه
بصله مبشوره
رشه ملح. فلفل اسود. بهارات السبعه
4معالق كبيره زيت
معلقه صلصه لو عايزه اللحمه المفرومه تبقى بالصلصه
نحضر حله وننزل بالزيت واللحمه المفرومه ونقلب لحد ما لونها يتغير بعد كده ننزل بالبصله والملح والفلفل الاسود والبهارات ونقلبهم مع بعض ونسبهم على نار هاديه لحد ما اللحمه تنزل المياة تتبخر
والف هنا
رئيس قسم المطبخ أ سمسمه سعد
تابع ايضاشيش طاووق بطريقه سهله جدا مقدمه من شيف رضا الموافي
تابع ايضاطريقه عمل احلي ممبار في البيت مقدمه من شيف عبير سيد