العلاقات الصعبه في حياتنا هي اللي
ربنا خصص لها الآيات دي..
“فَاعْفُوا وَاصْفَحُوا حَتَّىٰ يَأْتِيَ اللَّهُ
بِأَمْرِهِ ۗ إِنَّ اللَّهَ عَلَىٰ كُلِّ شَيْءٍ قَدِيرٌ”
” فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ
فِي الْأَمْرِ ۖ فَإِذَا عَزَمْتَ فَتَوَكَّلْ عَلَى اللَّهِ”
اللي بتتكلم عن العفو والتسامح ومغالبه
النفس وإمساكها عن الرد بالمثل
كظم الغيظ ⬅️ جهاد نفس
العفو عن من ظلمك ⬅️ جهاد اكبر
والإحسان لمن أساء ?قمه العفو والرقي
والتصالح مع الذات.. وهي اشياء مش سهله
على نفس اتظلمت لكنها كمان مش مستحيله!!
في حوار لأحد المشايخ بيتكلم فيه عن التسامح متصل قاله مقدرش اسامح.. قاله اللي خلقك وأدري بيك من روحك قالك تقدر.. يبقى تقدر.
وعلشان كده أجرها عظيم وأثرها كبيرررر
جدااا.. لأنك في المقام الأول بتعملها وأنت
واخد نيه.. ” طاعه لله عز وجل”
وثانيا بتحسن لنفسك وبتاخد أجر وبتحرر
روحك من عبئ رهيب.. ويمكن تكسب بدل
الأذى والعداء.. حليف ليك” ولي حميم”
ده كلام ربنا مش رأيي الخاص.. وعن نفسي عملته وقدمته ولمست الفرق في نفسي وحياتي
ومش مره.. لأ.. مرات ومرات ولسه بجاهد فيها نفسي وعيني على رضا الله وعوضه الجميل وأجره…“النار إذ لم تجد ما تأكله اكلت نفسها”
وانتهت واصبحت رماد.. غضبنا نار بتاكل فينا
من جوه بالتدريج.. وتركبنا أمراض الدنيا وتنهينا
ربنا عالم إننا نقدر والا مكنش طلب مننا العفو والتسامح وفي اكثر من موضع في القرآن الكريم.
“وَسَارِعُوا إِلَىٰ مَغْفِرَةٍ مِّن رَّبِّكُمْ وَجَنَّةٍ
عَرْضُهَا السَّمَاوَاتُ وَالْأَرْضُ أُعِدَّتْ لِلْمُتَّقِينَ
الَّذِينَ يُنفِقُونَ فِي السَّرَّاءِ وَالضَّرَّاءِ
وَالْكَاظِمِينَ الْغَيْظَ وَالْعَافِينَ عَنِ النَّاسِ
ۗ وَاللَّهُ يُحِبُّ الْمُحْسِنِينَ “?
