أنتى وأولادك والحياة” علاقتك بأبنائك في الزمن الصعب “

أنتى وأولادك والحياة ” علاقتك بأبنائك في الزمن الصعب “

 

بقلم ستايلست/ داليا حسام

 

اسمحي لي سيدتي أن أتحدث معك وبدون تكلف أو محاولة إنتقاء الكلمات.
أتحدث معك بكل بساعة وبنفس الطريقة التى نتحدث بها حينما نلتقي خاصة إذا كانت هناك صداقة تجمعنا فنجلس كما يقولون علي راحتنا ونتحدث بالعامية الدارجة في الشارع المصرى .

فلا نتكلف ولانسعى لأختيار مانقول فتخرج الكلمات من افواهنا كما هى ودون السعى لتجميلها .

مسئولية تربية الأبناء

 

وحديثي معكم اليوم عن موضوع حساس الا وهو تربيه الابناء وكيف أضحى مسؤولية عظيمه وشاقة ومهمه صعبه للغاية.
تحتاج وقت وجهد ودراية كافية للأم بطريقة التعامل مع اولادها
اول مشكله بتقابل الأم فى تربيه اولادها العند وحريه التعبير عن الرأي
من حق ولادك يكون ليهم رأى وأنك تديهم مساحه كافيه يعبرو فيها عن رأيهم.
ده هيديكى فرصه تعرفى هما بيفكرو أزاى وتقدرى تتعرفى على الايجابيات اللى جواهم وتنميها وتشجعيهم عليها
والسلبيات اللى جواهم وتتنقشى فيها وتحاولى بطريقة غير مباشرة أنك تعمليها.

صداقة وأمان

حاولى تكونى صديقة لابناءك خليهم يدوكى الأمان.
أذا عرفتى تعملى ده هتعدى مرحله تربيتهم بنسبة 80٪ فى أمان
أنك تكونى صاحبتهم ملجأ ليهم فى مشاكلهم من غير ما يخافو أنهم يحكو معاكى
أنهم يلجؤلك فى حل مشاكلهم ويحكو معاكى ويتقبلو نصيحتك ويحبوها
انك تسمعيهم من غير ما تثورى عليهم ولا تعنفيهم افضل كتير من أنهم يلجؤ لصحابهم ويسمعو نصايحهم
خليكى حضن ليهم بدون تدليل زايد
الحنيه مش معناها أنك تطلعيهم مش متحملين مسؤولية
عوديهم أن عليهم واجبات ناحيتك وناحية أبوهم وأخواتهم واسرتهم علشان تفضل عاده فى سلوكهم حتى وهما كبار
عوديهم على المجاملات من الصغر بينهم وبين أخواتهم واصحابهم علشان يطلعو ودودين يعرفو يجاملو ويتجاملو
علشان يبقى عندهم حب العطاء من غير أنانيه.

قيمة الأشياء
عوديهم ان مش كل حاجه يطلبوها لازم تتعمل حتى أذا كنتى تقدرى تعمليها علشان يتعلمو أنهم لازم يصبرو ويحسو بقيمه الحاجه علشان يحافظو عليها
نمى جواهم طبع الصراحه وابعدى بيهم عن الكذب علشان ميبقاش صفه فيهم لما يكبرو
خليهم يعترفو ليكى بأخطائهم من غير كذب وانتى احتوى ده فيهم وبلاش تكونى انتى مصدر الكذب ليهم ولا فى حديثهم مع الناس
علميهم أن شؤنكم الخاصة فى البيت مبتتحكيش بره البيت من غير ما يكذبون
فرق كبير بين أنهم يتعلمو الخصوصيه وأنهم يكونو كذابين
خليهم من وهما صغيرين يراعو مشاعر الناس يكونو مجاملين علشان هتفضل طبيعه فيهم
وقبل كل ده علميهم أن فى ربنا شايفهم حتى وهما لوحدهم علميهم الحرام قبل العيب خليهم يعملو حساب ربنا قبل ما يعملو حساب للناس

اولادنا معندهمش حريه اختيارنا
خليهم مبسوطين أنك امهم وميتمنوش ام غيرك
تربيه ولادنا أمانه خليكى أدها أنتى وولادك والحياة