أسألكم الفاتحة والدعاء لأبويا”..محمد محمود عبدالعزيز يحيي الذكرى الخامسة لوفاة والده
“أسألكم الفاتحة والدعاء لأبويا”..محمد محمود عبدالعزيز يحيي الذكرى الخامسة لوفاة والده
كتبت: دنيا هشام
نشر الفنان محمد محمود عبدالعزيز على حسابه الشخصي على موقع تبادل الصور والڤيديوهات الشهير “إنستجرام” صورة لوالده الفنان القدير الراحل محمود عبدالعزيز ليُحيي الذكرى الخامسة لوفاته.
وعلّق عليها قائلًا: “غدًا ١٢ نوفمبر ٢٠١٦، الذكرى رقم ٥ للرحيل، للفراق، لكل معاني الألم و الإشتياق… و اه و ألف اه من الإشتياق”.
ووجه محمد محمود عبدالعزيز نصيحة لجمهوره قائلًا: “لو ليك حد بتحبه وواحشك اوي و مازال حى يرزق روحله ماتكلموش فى التليفون و إملى عينك منه، شم ريحته و اتكلم معاه فى أى حاجه إستمتع بوجوده، ولو كان بعيد اوي و صعب تشوفه إتصل بيه، إسمع صوته و سمعه صوتك حسسه قد إيه هو مهم بالنسبالك و فارقلك قوله أنك بتحبه حتى لو كانت الكلمة مالهاش مكان فى الحوار”.
وإستكمل حديثه قائلًا: “لو كان رحل إلى دار الحق…. إعمل زيي، اكتبله رسايل و اتصل برقمه إللى ممكن يكون اتلغى بس حسس نفسك أنه لسه موجود لحد ما تروحله و تتقابلوا تانى فى مكان مافيش فيه مكان للوجع او الفراق”.
وإختتم حديثه قائلًا: “اسألكم الفاتحة و الدعاء لأبويا و لكل من رحلوا عنا”.
يذكر أن الفنان محمود عبدالعزيز قد رحل عن عالمنا يوم 12 نوفمبر 2016، بعد صراع مع المرض عن عمر ناهز الـ70 عامًا.