أحمد العوضي يوضح سبب تغيبه عن السفر مع ياسمين عبد العزيز أثناء رحلة علاجها 

كتبت: أحلام محمود سيد 

أوضح الفنان أحمد العوضي في لقائه مع الإعلامية منى الشاذلي في برنامج معكم الذي يذاع عبر شاشة cbc، سبب عدم سفره مع زوجته ياسمين عبدالعزيز لسويسرا في بداية علاجها، أن هذا الأمر لم يكن بيده.

وقال العوضي: “لما كتبت البوست على الفيسبوك؛ ده كان رجاء بالدعاء، لأن القدر لا يُرد إلا بالدعاء، ولما هي سافرت إلى سويسرا؛ كان معاها فيزا، وأنا لأ، والموضوع مش سهل يطلع، وخصوصًا إننا كنا في ظروف كورونا، ومش حكاية أروح السفارة أقول إني فنان فهيطلعوهالي، دي إجراءات وبتاخد وقت”.

و تابع أحمد العوضي: ” والمهم إن يكون فيه حد موجود، سواء أنا أو شريف أخوها عشان نعدي المرحلة، وطالما هي عارفة؛ دي أهم حاجة عندي، وكلام الناس خدته بحُسن نية، إن الناس بتحبنا، ومش بشوفه إنه تصَيُّد لي، ممكن يبقى حب زيادة، وعايزين أحمد مع ياسمين”.

و إستكمل حديثه: ” كنت دايمًا أقولها هنرجع زي الأول، مش بس هنخف”

 لتقول ياسمين عبد العزيز: “هو اللي كان بيمشيني وأنا مش قادرة، عشان أقوم من تاني وأرجع، كان بيشدني أمشى في سويسرا، ويلففني ويطلعني سلالم، وأنا عاملة 4 عمليات في شهرين، مكنتش بقدر أمشي خالص، ولكن كان حريص إني أرجع زي الأول، ويقولي افردي ضهرك، ويشارولي أمشي ازاي، أحمد قضى معايا 3 شهور بينامهم على الكنبة”.

و يذكر أن تحدث الزوجان خلال الحلقة عن تخوفهما من خوض تجربة أن يشاركا في عمل يجمعها، 

حيث كشفت ياسمين عبد العزيز خلال لقائها عن تخوفها من خوض تجربة عمل يجمعها مع زوجها حيث قالت: قالي حسام شوقي شايف إنك تعملي مسلسل انتي وأحمد، فقولتله المسلسل ده هيبقى سبب طلاقي وفكرة مش كويسة وأنا في شغلي مبهرجش.

و تابع العوضي: لما عرض عليّ حسام شوقي قولتله هنتخانق وأنا مش عايز كده، واقتنعت برأيه في الآخر لأني بثق فيه جدًا، وكانت كل مشكلتي هو ازاي الجمهور هيتقبل شخصيتي بعد هشام عشماوي في الاختيار في دور رومانسي باللي مالوش كبير.