” من ذاق حب الله ارتوى” بقلم دعاء خطاب
من وجهه نظري المتواضعه وفهمي لديني من فرض العبادات والتكاليف على الإنسان..الفكره كلها.. ان ربنا يفضل في قلبك على طول وتتواصل معاه بأي شكل أيا كان وده طوال العام من خلال.. الصلاه على مدار اليوم لخمس مرات حتقف فيهم بين ايدين خالقك وده بشكل او بأخر بيمنعك من ارتكاب الكبائر ويخليك في حصن الله المتين من هوي نفسك ومن شياطين الإنس والجن واذا حدث واخطأت حتراجع نفسك بسرعه لأنك حتخجل من الوقوف بين ايديه وانت مزعله وإن يفضل لسانك رطب دائما بذكره وقلبك عامر بحبه، ده بيزيد أكتر في شهر رمضان لأن الروحانيات بتبقى أعلى والجوارح كلها في حاله خشوع، لكن
اكتشفت ان الواحد كلما اجتهد في الطاعات واقترب من الله عز وجل اكثر وفهم نفسه ودينه اكثر وزكي الخير اللي جواه بتبقى دي حاله الجوارح معظم او طوال العام، وبالتدريج بيبقى في حاجات مش بتقدر تقترب منها لأنك في حاله خاصه مع خالقك ولا شئ يساوي جمال هذا الشعور مهما كانت زهوته وجماله وقوته.. كل حاجه بتتغير قيمتها في عينيك بالمقارنة بإحساسك ده اللي وصلت له مع ربك.
” من ذاق عرف.. ومن عرف اغترف ومن اغترف اعترف.. ومن اعترف أدمن ما عرف ”
اللهم أعنا على ذكرك وشكرك وحسن عبادتك.. اللهم قلبًا عامرًا بحبك ?
